I was just testing the blog posting service of Microsoft Word 2007. XD

Jooty

Noong nakaraang Mayo 12, dahil tapos na ang aming prototype, sinimulan na naming ilagay ang mga pampagandang features ng aming proyekto. Isang halimbawa na iyong context button/icon. Ito ay kadalasang lumalabas katabi ng mouse pointer kapag gumawa tayo ng isang selection ng text o mga image. Ito ay para mapadali ang paggamit ng end-user sa aming application.

Habang sinisimulan ang context icon na ito, nagulat nalang kami’t nasa harapan na namin si Sir Sherwin. Matapos ang halos isang buwan, biglang dumating si sir upang alamin ang progreso ng bawat isa sa amin. Hindi ko mapigilang kabahan sapagkat hindi ko alam kung ano ang inaasahang ni sir na nagawa namin. Bago kami nag-demo, pinaghandaan namin ni Olive kung sino ang mauunang magsalita, at kung aling kompyuter ang aming gagamitin.

Nang puntahan na kami ni Sir Sherwin para sa demo kinabahan ulit ako. He-he. Maayos naman ang pagkakalathala namin. Naipakita naman namin lahat ng dapat ipakita. Bakas sa mukha ni Sir na natuwa siya. Dahil dito, masaya na rin kami. Tagumpay! —> (SUCCESS!)

Abangan sa susunod na kabanata…

- Jooty

Noong nakaraang linnggo, tinapos na namin ang aming proyekto. Kaso, napagtanto namin na, hindi karapat-dapat na iyon ang maging final product; magulo ang code, hindi maintindihan, panget pa ang pagkaka-layout. Sa ibang salita, hindi pa perpekto. Kaya tinuring naming prototype ang natapos namin. Sino naman nga kasing tatangkilik noon kung saka-sakali mang i-deploy na iyon? Minadali at parang hindi gaanong pinagplanuhan.

Dahil hindi kami nasiyahan sa natapos namin, nagsagawa kami ng paglilinis sa natapos namin. Inayos ko yung Javascript. Nagsimula ako ulit habang nakabase parin yung ginagawa ko sa dati naming natapos. May mangilan-ngilan akong kinuha mula sa dating scripts. Naging kaintindi-intindi na ang mga pangalan ng mga variables at functions. Naglagay na rin ako ng mga komento na marahil ay makatulong sa kung sino mang pag-aaralan ang aming matapos. Na-isaayos ko ang scripts base sa pagkakahati-hati sa modules – Registration/Login, Message Sending, Phonebook.

Si Olive nama’y pinaganda ang panlabas na kaanyuan ng aming proyekto. Pinagtiyagaan ang bawat detalye habang sinusunod ang ibang gusto at ayaw ko. Haha. Gumamit ng Photoshop at kung anu-anong mga resources sa internet. Talagang hanga ako kay Olive. Ang ganda ng kinalabasan ng kanyang pagtitiyaga.

-allen

Kahapon, hindi kami masiyado nakausad sa mga dapat naming gawin. Ito ay sa kadahilanang inaantok kaming dalawa ni Olive. *Hay* Ano bang meron kahapon at bakit parehas pa kami tinatamad? Pero, kahit tinatamad kami, meron pa rin naman kaming natapos o nagawa.

1. Add friend
2. Update friends list
3. at mga kung anu-ano pang maliliit na karagdagan sa friends list

Nag-setup na rin ako ng Subversion para hindi na kami mahirapan kapag pinagsasama namin yung mga nagawa namin. Ayun.

Kahapon, hindi kami masiyado nakausad sa mga dapat naming gawin. Ito ay sa kadahilanang inaantok kaming dalawa ni Olive. *Hay* Ano bang meron kahapon at bakit parehas pa kami tinatamad? Pero, kahit tinatamad kami, meron pa rin naman kaming natapos o nagawa.

1. Add friend
2. Update friends list
3. at mga kung anu-ano pang maliliit na karagdagan sa friends list

Nag-setup na rin ako ng Subversion para hindi na kami mahirapan kapag pinagsasama namin yung mga nagawa namin. Ayun.

Kanina, umalis ako nang maaga dahil hindi na ako makapaghintay na gawin yung tree na katumbas nung contact list / address book ng proyekto namin. Isa kasi yun sa mga kailangang ma-isagawa namin.

Sinimulan ko ang araw ko sa Globelabs sa pagsubok kung gagana sa proyekto namin yung nakita kong halimbawa sa internet. Sa kasamaang-palad, hindi gumana. Naghanap ako ng ibang paraan para paganahin yung trees. Meron akong isang natatanging gustong gawin subalit, talagang ayaw. Sabi ko nga kay Olive, madaming paraan para magawa ko yung dapat naming gawin, kaso, yung gusto kong gawin, na sobrang hirap paganahin, ay yung pinaka-mabisang paraan. Ito ay para na rin sa mga end-users yung pilit kong pinapagana. (Ang hirap talaga mag-kwento kapag limitado ka sa mga sasabihin mo. Haha)

Contact List

Ayan yung natapos ko kanina. Masaya ako kasi natapos ko din, kahit na parang mediyo may daya. Ahaha.

Ito ang mga dapat na pwedeng gawin diyan:

1. Pwedeng pumili ng contact – malalagyan ng markang tsek sa tabi
2. Pumili nang marami o multiple selection
3. Dahil pwedeng pumili nang marami, pwedeng piliin nalang ang grupo o group selection (i.e JAGL)
   
4. kapag pinili ang isang grupo, malalagyan na din ng tsek mark ang lahat ng contact na kasama sa piniling grupo
5. kapag inalis sa pagkakapili ang isang contact dapat maaalis na rin ang tsek mark ng grupo na kinabibilangan niya
6. pwedeng i-collapse o i-expand ang isang grupo (para maganda haha)

Ayun lang naman. Pero, maniwala man kayo’t sa hindi, buong araw kong hinanapan ng paraan para magawa lahat yan. Ang hirap talaga kung nangangapa lang sa mga ginagamit na teknolohiya. Dahil na rin siguro, sa medyo nagmamadali kami. Ahahaha. Kanina talaga, halos sinumpa ko na yung trees. Kainis kasi eh. Ahaha.

Hanggang sa muli!

joot / allen

Noong Biyernes, inasikaso ni Olive yung GUI ng aming proyekto. Siyempre, si Olive yata ang opisyal Layout Artist. Ahaha!. Hindi pa tapos, pero, nangangalahati na. Inasikaso din niya yung server ng aming application. Halos tapos na. Konti nalang siguro ang mga posibleng baguhin sa server. Halos front-end na kasi ang inaasikaso namin.

Ako naman, inasikaso ko yung ibang functionalities. Ginawa ko yung Contact Selection Module. Ginawa ni Olive yung interface. Ginamitan niya ng lists. Pero balak kong gawing trees para maidagdag namin yung groupings. Galing sa lists, kukunin ko yung lahat ng mga napili at ilalagay ko sa isang textbox. Kung baga, parang comma separated yung mga contact numbers. Ayun. Medyo napagamit ako ng pattern matching / regular expressions para i-parse yung string na nakukuha galing sa Contact Selection Module. Salamat sa RegEx Coach. Natulungan ako malaman kung tama yung pattern na gamit ko.

SUMMARY

• Registration Module – tapos na! Siguro, puro pagpapaganda nalang ang gagawin.
• Login Module – Tapos na din! Papagandahin nalang…
• Contact Selection Module – nangangalahati pa lang..
• Message Sending Module – wala pa..
• Settings/Preferences Module ??

Balak ko sana ilagay dito yung to-do list namin. Kaso, masiyado nang detalyado. Medyo confidential na kaya yung summary nalang.

Bukas, itutuloy na namin yung contact selection module pati narin yung natitira pang modules. Ayun. Kapag natapos kami nang maaga, marami pa kaming oras para pagandahin pa lalo ang aming proyekto. Hindi na ako makapaghintay. GO GO GO!

Hanggang sa muli!

Joot/Allen

Bukas, gagawin na namin yung mismong pagpapadala ng SMS – SMS/MMS Sending Module. Sana matapos namin bukas yun. Sana lang naman. Pero siyempre, hindi naman namin kailangang magmadali. Hanggang katapusan pa ng Mayo ang program na ito. Marami pa kaming oras. Kung matapos nang maaga, maganda! Sobrang pagagandahin namin ang proyekto namin.

Kanina pala, natanggap na namin yung cellphone na ipapahirap samin ng Globe. Ang saya! Meron nang SIM at may load na rin. 100 pesos! Weee! May pang-test na kami, may pang araw-araw na load pa. Ahahaha. Hindi kilala yung tatak nung telepono.

Hanggang sa muli!

Allen / Joot

p.s. (may p.s. pa akong nalalaman)

Hindi daw pwede magpost ng video sabi ni Sir Sherwin. Sayang naman. Hindi niyo makikita yung nakunan ko.

Bago dumating si Sir nagsaliksik muna kami sa internet. Meron kaming mga nakitang sites at forums na pinag-uusapan yung problema namin. Sabi, konektado daw sa seguridad nung environment na ginagamit namin. Mejo hindi ko naintindihan kaya hinintay ko nalang si Sir Greg. Nung dumating na si Sir, kaagad namin tinanong yung problema namin. Sinabi din niya yung nabasa namin. Ayun. Gawin lang daw namin yung sinasabi doon sa isang article na nakita niya. Nagbasa muna kami ulit. Sabi , kailangan lang daw humingi ng permiso galing sa end-user para gumana yung Javascript o kaya naman, gawing signed o lagyan ng signature yung script o yung mismong files.

Sinubukan kong gawing signed yung script na ginagamit namin. Kaso, hindi ko mapagana. Kaya ginawa ko nalang muna ung paghingi ng permiso galing sa end-user. Tutal, nasa Development Stage palang kami. Kapag Deployment Stage na, doon nalang daw lagyan ng signature. At sa wakas, gumana na! Tuloy ang ligaya! Kausad narin kami sa ginagawa namin. Yey!

Habang ginagagawa namin yung proyekto namin, napagtanto namin na kailangan din namin ng server. Dahil naka-lagay na ang XAMPP sa workstation namin, yun nalang ginamit namin. Siyempre, PHP at MySQL na. Ayun.

Kanina pala, nagkaroon nanaman ng fire drill. Hindi ito katulad nung dating naikuwento ko. Mas makatotohanan yung kanina. Merong mga lalaking nilagyan ng floorwax para magmukhang dugu-duguan sila. Pinakita kung pano lagyan ng bandage yung mga duguan. Tapos, ito pa. May dumating na fire truck! Ahaha! Nakakatuwa.

Allen

Kanina, kinontak ko na si Sir Greg (Greg nga ba o Gary?) haha. Grabe, hindi sigurado. Ayun, pupunta daw siya bukas. Yey! Sana naman, bukas, maliwanagan na kami. Isang himala talaga kung mapagana na namin bukas.

- Allen